भीषण भेलले घर बगाउँदा एकै परिवारका तीन जना बेपत्ता
पाल्पा,असोज ११ । पाल्पाको माथागढी गाउँपालिका–३ मा खोलामा आएको भीषण भेलले घर बगाउँदा एकै परिवारका तीन जना बेपत्ता भएका छन्।
आज बिहान करिब ५ बजे अचानक आएको भेलले घर डुबाएपछि करिब ७० वर्षीय लिलबहादुर घर्ती मगर तथा उनकी छोरीहरू करिब १५/१६ वर्षीया झरना घर्ती मगर र दिना घर्ती मगर बेपत्ता भएका हुन्।
घटना लगत्तै स्थानीयवासी र सुरक्षाकर्मीको टोलीले बेपत्ताको खोजी तथा उद्धार कार्य सुरु गरेको छ। घटनास्थलमा खोजी तथा उद्धारको काम जारी रहेको प्रहरीले जनाएको छ।
घटनाबारे थप विवरण आउन बाँकी रहेको प्रहरीले जनाएको छ।