दसैँ बिदामा पनि स्वास्थ्य सेवा नियमित राख्न मन्त्रालयको आग्रह
काठमाडौं,असोज ३१ । स्वास्थ्य तथा खाद्य स्वच्छता मन्त्रालयले बडादसैँको बिदामा पनि स्वास्थ्य सेवा नियमित सञ्चालन गर्न सङ्घ तथा प्रदेशअन्तर्गतका सबै अस्पताललाई आग्रह गरेको छ।
मन्त्रालयले पर्याप्त स्वास्थ्यकर्मी परिचालन गरी आकस्मिक सेवा, आकस्मिक शल्यक्रिया, प्रसूति सेवा र सघन उपचारलगायत अत्यावश्यक स्वास्थ्य सेवा नियमित रूपमा उपलब्ध गराउने व्यवस्था मिलाउन अस्पतालहरूलाई अनुरोध गरेको हो।
दसैँ बिदाका समयमा पनि बिरामीले आवश्यक स्वास्थ्य सेवा सहज रूपमा प्राप्त गर्न सकून् भन्ने उद्देश्यले मन्त्रालयले अस्पतालहरूलाई सेवा निरन्तरता दिन आग्रह गरेको छ।