कक्षा १ देखि ९ सम्मको वार्षिक परीक्षा नतिजा प्रकाशित गर्नु – बागमती प्रदेश
![](https://www.sajhapath.com/wp-content/uploads/2020/05/20200501_091536.jpg)
हेटौंडा, बैशाख -१९ । बागमती प्रदेश सरकारले कक्षा १ देखि ९ सम्मको वार्षिक परीक्षाको नतिजा प्रकाशन गर्न निर्देशन दिएको छ ।
स्थानीय तहको समन्वयमा विद्यालयीय नतिजा प्रकाशन गर्न गराउन प्रदेशको सामाजिक विकास मन्त्रालयले अनुरोध गरेको हो । मन्त्रालयले लकडाउन र सामाजिक दुरीलाई कायम राख्दै भर्ना लिन र पाठ्य पुस्तकको व्यवस्था गर्न पनि भनेको छ ।
मन्त्रालयले नियमित कक्षा सञ्चालन नहुँदासम्म बालबालिकालाई घरमै बसेर सिक्ने अवसर सुनिश्चित गर्न दुर शिक्षा कार्यक्रम लगायतका वैकल्पिक सिकाइका अवसर दिन पनि आग्रह गरेको छ ।
![](https://i0.wp.com/www.sajhapath.com/wp-content/uploads/2020/05/bagmati-prdesh-bigyapti-for-result902503832.jpg?fit=563%2C768&ssl=1)