उपत्यकामा बितेको २४ घण्टामा ३८८ संक्रमित थपिए
काठमाडौं, भदौ १७ । काठमाडौं उपत्यकामा बुधबार एकै दिन ३ सय ८८ जनामा कोरोना संक्रमण पुष्टि भएको छ । देशभर ११ सय २० जनामा कोरोना पुष्टि भएकोमा काठमाडौ उपत्यकामा मात्रै ३ सय ८८ जना थपिएको मन्त्रालयले जनाएको हो ।
उपत्यकामा थपिएका मध्ये काठमाडौंका ३५० जना र ललितपुरका २९ जना र भक्तपुरका ९ जना रहेका छन् ।
स्वास्थ्य मन्त्रालयको नियमित पत्रकार सम्मेलनमा प्रवक्ता डा.जागेश्वर गौतमले बुधबार २४ घन्टामा १ हजार १ सय १२ जना कोरोना संक्रमण मुक्त भई घर फर्केका जानकारी दिएका छन् । हालसम्म निको भई घर फर्कनेको सख्या २३ हजार २ सय ९० रहेको छ। देशभर कुल संक्रमितको सख्या ४१ हजार ६ सय ४९ पुगेको छ ।
