उपत्यकामा पछिल्लो २४ घण्टामा ४०८ संक्रमित थपिए
काठमाडौं, भदौ २० । काठमाडौं उपत्यकामा पछिल्लो २४ घण्टामा ४ सय ८ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ। देशभर १ हजार ४१ जनामा कोरोना पुष्टि भएकोमा काठमाडौमा मात्रै ४ सय ८ जना थपिएका हुन।
काठमाडौं उपत्यकामा थपिएका मध्ये काठमाडौंका ३२६ जना र ललितपुरका ३७ जना र भक्तपुरका ४५ जना रहेको स्वास्थ्य मन्त्रालयको नियमित पत्रकार सम्मेलनमा प्रवक्ता डा.जागेश्वर गौतमले जनाएका छन् । उनले १२ हजार ४ सय ७३ जनाको पिसीआर परिक्षणमा १ हजार ४१ जनाको रिर्पोट पोजेटिभ आएको जानकारी दिए।
त्यसैगरी बितेको २४ घन्टामा १५६६ जना कोरोना संक्रमण मुक्त भई घर फर्केका छन् । हालसम्म निको भई घर फर्कनेको सख्या २७ हजार ४ सय २७ रहेको छ ।
देशभर कुल संक्रमितको सख्या ४५ हजार २ सय ७७ पुगेको छ ।
