कक्षा ११ को आन्तरिक मूल्यांकन विद्यालय खुलेपछि मात्रै



काठमाडौं भदो २६ ।

कक्षा ११ को आन्तरिक मूल्यांकन, नतिजा प्रकाशन तथा प्रमाणीकरणलगायत काम विद्यालय सञ्चालनमा आएपछि मात्रै थालिने भएको छ।

सरकारले विद्यालय पुनः सञ्चालन गर्ने निर्णय गरेपछि आन्तरिक मूल्यांकनको कार्यक्रम हुने राष्ट्रिय परीक्षा बोर्डका अध्यक्ष प्रा.डा चन्द्रमणि पौडेलले बताएका छन् । अध्यक्ष पौडेलले कोरोना महामारीका कारण तत्कालै मूल्यांकन, प्रमाणीकरणका सबै कार्यक्रम गतिविधि सञ्चालन गर्न नसकिने बताए ।

आन्तरिक मूल्यांकनको जिम्मा विद्यालयलाई दिइएकाले सबै काम विद्यालयललै गर्नुपर्ने उनले बताए। कोरोना महामारीले परीक्षा गराउने सम्भव नभएपछि सरकारले परीक्षा सञ्चालन, व्यवस्थापन, मूल्यांकन, नतिजा प्रकाशन तथा प्रमाणीकरण कार्यविविधि, २०७७ जारी गरेसँगै सम्‍पूर्ण जिम्मा विद्यालयले पाएको छ।

प्रतिक्रिया दिनुहोस्