आईपीएल क्रिकेटमा आज दुई खेल हुँदै
एजेन्सी असोज २४ ।
इण्डियन प्रिमियर लिग आईपीएल क्रिकेटमा शनिवार दुई खेल हुँदैछन् ।
पहिलो खेल किङ्स–११ पञ्जाब र कोलकात्ता नाईट राइडर्सबीच युएईको अबुधाविमा नेपाली समय अनुसार अपराह्न ३ः४५ मा हुनेछ। जारी प्रतियोगितामा आफूले खेलेका ६ खेलमध्ये पाँचमा हार ब्यहोरेको पञ्जाब दुई अंकसहित अंकतालिकाको पुछारमा छ।
पाँच खेलबाट तीन जितसहित ६ अंक जोडेको कोलकात्ता चौथो स्थानमा छ। पञ्जाबको कप्तानी लोकेश राहुलले गरेका छन् भने कोलकात्ता दिनेश कार्तिकको कप्तानीमा छ। यस्तै दोस्रो खेल युएईको दुबईमा नेपाली समय अनुसार साँझ ७ः४५ मा हुनेछ।
जहाँ विराट कोहलीको रोयल च्यालेन्जर्स बैंग्लोर र महेन्द्र सिंह धोनीको चेन्नइ सुपर किङ्स आमनेसामने हुनेछन्। यस पटकको आईपीएलमा चेन्नइले कमजोर प्रदर्शन गरेको छ। ६ खेलमध्ये २ खेल मात्रै जितेर ४ अंक जोडेको चेन्नई अंकतालिकाको छैठौँ स्थानमा छ। पाँच खेलमध्ये तीन खेलमा जित निकालेको बैंग्लोर ६ अंकसहित चेन्नइभन्दा एक स्थान माथि पाँचौँ स्थानमा छ।
