काठमाण्डौको कुलेश्वरमा ७ जना जुवाडे पक्राउ
काठमाडौं मंसिर २ ।
काठमाण्डौको कुलेश्वरमा नगद दुई लाख र सात लाखको चेक सहित ७ जना जुवाडे पक्राउ परेका छन् ।
दुई लाख ३८ हजार ८ सय ५० रुपैयाँ नगद र सात लाख ९४ हजार ८ सय ७० रुपैयाँ बराबरको विभिन्न बैंकको चेकसहित सात जुवाडेलाई पक्राउ गरेको महानगरीय प्रहरी वृत्त कालीमाटीले जनाएको छ ।
काठमाण्डौ महानगरपालिका १४ को कुलेश्वरमा शिव श्रेष्ठको घरमा जुवा खेलिरहेको अवस्थामा उनीहरू हिजोसाँझ पक्राउ परेका हुन् । पक्राउ पर्नेमा काभ्रेका यादव चौलागाईँ, धादिङका राजु पौडेल, चितवनका राजीव श्रेष्ठ, केशवप्रसाद मुडभरी, बाराका श्याम तामाङ र कैलालीका प्रेम बडुवाल रहेका वृत्तका प्रमुख तथा प्रहरी नायब उपरीक्षक (डीएसपी) अपिलराज बोहराले बताए ।
