थप १७ जनाको कोरोना संक्रमणबाट मृत्यु
काठमाडौं, मंसिर २१ । कोरोना संक्रमणबाट बितेको १४ घण्टामा थप १७ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको सख्या १५९४ पुगेको स्वास्थ्य मन्त्रालयले जनाएको छ ।
पछिल्लो २४ घन्टामा नयाँ संक्रमित १ हजार ९६ थपिएका छन् । त्यस्तै संक्रमणबाट मुक्ति पाउनेको संख्या भने १ हजार ७ सय ५२ जना रहेका छन् । हालसम्म २ लाख ४० हजार ९ सय ८१ संक्रमित भएपनि २ लाख २५ हजार ८ सय ५ जना संक्रमण निको भई डिस्चार्ज भईसकेका छन् भने १३ हजार ५ सय ८२ जना संक्रमितको उपचार भइरहेको स्वास्थ्य तथा जनसख्या मन्त्रालयले जनाएको छ ।
हालसम्म १७ लाख ८४ हजार ५ सय १९ जनाको पिसीआर परिक्षण भएको छ भने १३ हजार ५ सय ४२ जना आइसोलेशनमा बसेका छन् । त्यस्तै क्वारेन्टिनमा बस्नेको सख्या ५ सय ३६ रहेको मन्त्रालयले उल्लेख गरेको छ ।
