नेपालमा कोरोनाबाट थप १४ जनाले ज्यान गुमाए
काठमाडौं, मंसिर २४ । कोरोना संक्रमणबाट नेपालमा थप १४ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको सख्या १६५१ पुगेको स्वास्थ्य मन्त्रालयले जनाएको छ ।
बितेको २४ घन्टामा नयाँ संक्रमित संख्या १ हजार ५६ जना थपिएका छन् । पछिल्लो चौविस घण्टा समयावधिमा १ हजार ४ सय ८३ जना कोरोना संक्रमणबाट निको भई घर फर्केका छन् । हालसम्म २ लाख ४४ हजार ४ सय ३३ संक्रमित भएपनि २ लाख ३० हजार ५ सय ३७ जना संक्रमण निको भई डिस्चार्ज भईसकेका छन् भने १२ हजार २ सय ४५ जना संक्रमितको उपचार भइरहेको स्वास्थ्य तथा जनसख्या मन्त्रालयले जनाएको छ ।
हालसम्म १८ लाख ५ हजार ९ सय ७२ जनाको पिसीआर परिक्षण भएको छ भने क्वारेन्टिनमा बस्नेको सख्या ५ सय २५ रहेको छ ।
