प्रदेश १ का मुख्यमन्त्रीले गरे १५ सांसदलाई निलम्बन
विराटनगर पुस १६ ।
प्रदेश १ का मुख्यमन्त्री शेरधन राईले १५ जना सांसदलाई तीन महिनाका लागि निलम्बन गरेका छन्।
आफूविरुद्ध अविश्वासको प्रस्तावमा हस्ताक्षर गरेका ३७ मध्ये १९ जनालाई मात्र स्पष्टीकरण सोधिएको थियो। स्पष्टीकरण सोधिएका मध्ये ४ जनाबाहेक १५ जनालाई तीन महिनाका लागि निलम्बन गरेको प्रमुख सचेतक वुद्धिकुमार राजभण्डारीले जानकारी दिए।
बिहीबार निलबन गरिएकामा सांसदहरु भीमप्रसाद आचार्य, जीवन घिमिरे, इन्द्रबहादुर आङ्बो, विजयकुमार विश्वास, सावित्राकुमारी रेग्मी, उपेन्द्र घिमिरे, लिलावल्लभ अधिकारी, राजेन्द्रकुमार राई, यशोधा अधिकारी, लछुमन तिवारी, मोहनकुमार खड्का, कुलप्रसाद साम्बा, धिरेन्द्र शर्मा, टंक आङबुहाङ र कुसुमकुमारी श्रेष्ठ छन्।
सांसदहरु तुलसीप्रसाद न्यौपाने, उषाकला राई, झलकवहादुर मगर र रामकुमार राईले मौखिक जवाफ दिएकोले उनीहरूलाई कारबाही नगरिएको बताइएको छ। यसअघि बिहिवार बिहान संसदीय दलको बैठकले मुख्यमन्त्री राईलाई बर्खास्त गर्दै भीम आचार्यलाई दलको नेतामा चयन गरिएको थियो।
