शिवपुरी अध्यक्ष कप फूटबलको उपाधी विदुरले जित्यो
नुवाकोट,चैत २५ । शिवपुरी गाउँपालिकाको आयोजनामा भएको ‘प्रथम शिवपुरी अध्यक्ष कप फूटबल प्रतियोगिता’को उपाधी विदुर नगरपालिकाले हात पारेको छ ।
केही समय अघि सम्पन्न ‘नुवाकोट जिल्ला स्तरीय पहिलो शिवपुरी अध्यक्ष कप प्रतियोगिता’मा विदुर प्रथम भएको हो भने घरेलु टीम शिवपुरी गाउँपालिका दोश्रो स्थानमा चित्त बुझाएको छ । आज बुधबार सम्पन्न ‘प्रथम अध्यक्ष कप फूटबल प्रतियोगिता’ मा प्रथम हुदै विदुरले उपाधी हात लगाउन सफल भएको हो ।
बुधबार विदुर नगरपालिका र शिवपुरी गाउँपालिका बीच फाइनल खेल भएको थियो । विदुरले घरेलु टीम शिवपुरीलाई ४ गोल गर्दै विजयी हासिल गर्दै उपाधी जित्न सफल भएको हो ।
खेलको १६ मिनेटमा विदुर नगरपालिकाका जर्सी नम्बर ११ का आकाश रानामगरले पहिलो हाफमा दुई गोल गोल गरेका थिए भने उनै खेलाडी मगरले दोस्रो हाफ अन्तर्गत ४८ औ मिनेटमा तेस्रो र ५८ औं मिनेटमा चौथो गोल गरी म्यान अफ द म्याच बन्न सफल भएका थिए। शिवपुरीका तर्फबाट जर्सी नम्बर ७ का खेलाडी आशिष थापाले खेलको ४३ औं मिनेटमा १ गोल गरेका थिए।
यही चैत १८ गतेदेखि भएको प्रतियोगितामा सामेल भइ प्रथम हुने विदुर नगरपालिकाका खेलाडी समूहले प्रमाणपत्रसहित ६ लाख,दोस्रो हुनेलाई घरेलु टीम शिवपुरी गाउँपालिकाले ४ लाख प्राप्त गरेको छ।
तेस्रो हुने समूह किस्पाङले २ लाख जितेको छ ।
