राष्ट्रिय सभा उपनिर्वाचन : सम्पुर्ण तयारी पुरा
घोराही,जेठ १६ । राष्ट्रिय सभा सदस्य उपनिर्वाचनका लागि सम्पुर्ण तयारी भएको छ । लुम्बिनी प्रदेशको दाङमा भोलि बिहान ९ बजे देखि हुने उप निर्वाचनको तयारी भएको मुख्य निर्वाचन अधिकृत रीतेन्द्र थापाले जानकारी दिए।
उनले भोलिको राष्ट्रिय सभा सदस्य उपनिर्वाचनमा कोभिड पोजेटिभका लागि छुट्टै मतदान स्थल बनाइएको बताए । निर्वाचनमा मतदान गर्ने मतदाताहरुले अनिवार्य पिसिआर परीक्षण रीपोर्ट ल्याउनुपर्ने छ । बिहान ९ बजे देखि दिउसो ३ बजे सम्म मतदान समय तोकियएको छ । सम्भव भए सम्म दिउसो ३ः३० बजेबाट मतगणना सुरु गरीने पनि अधिकृत थापाले बताए ।
राष्ट्रिय सभा सदस्य उपनिर्वाचनमा दुईजनाको उम्मेदवारी परेको छ । कांग्रेस, माओवादी केन्द्र, जनता समजवादी पार्टी र राष्ट्रिय जनमोर्चाका तर्फबाट दृगनारायण पाण्डे र एमालेका तर्फबाट चन्द्रबहादुर खड्काले उम्मेदवारी दिएका हुन् । दुइ उम्मेद्धारहरु रस्साकस्सि सहित चुनावि मैदानमा उत्रिएका छन ।
यो राष्ट्रिय सभा सदस्यका लागि ७९ जना प्रदेश सभा सदस्य, तथा २१७ जना स्थानीय तहका प्रमुख र उपप्रमुखले मतदान गर्ने मुख्य निर्वाचन अधिकृतको कार्यालयले जनाएको छ ।
