कोरोना महामारी बीच पनि लखपतिको संख्या लाखौंले बढ्यो
एजेन्सी,असार १० । कोरोना भाइरसको महामारी बीच विश्वभर ५० लाखभन्दा धेरै लखपति थपिएका छन् ।
यस अवधिमा कयौं मानिसहरु पहिलाको भन्दा गरिब भएका छन् । तर लखपतिको संख्या भने विश्वभर ५२ लाखले बढेर ५ करोड ६१ लाखमा पुगेको क्रेडिट सुसीको अनुसन्धानले देखाएको छ ।
सन् २०२० मा पहिलो पटक एक प्रतिशतभन्दा धेरै युवा लखपति भएका छन् । शेयर बजारमा आएको सुधार र घरको मूल्यमा भएको वृद्धिका कारण उनीहरुको सम्पत्ति बढेको हो ।
सम्पत्तिको सृजना कोरोना भाइरसको महामारीको पीडासँग पूर्णतः असम्बन्धित रहेको अनुसन्धाताहरुले बताएका छन् । महामारीले विश्व बजारलाई कम समय मात्रै प्रभावित बनाएको अनि सन् २०२० को अन्त्यसम्ममा सो कमी पूर्णतः उल्टिसकेको ग्लोबल वेल्थ प्रतिवेदनका लेखक तथा अर्थशास्त्री एन्थोनी शोर्रोक्सले भने ।
वर्षको उतरार्द्धमा विश्वको सम्पत्ति तीव्र रुपमा बढेको पनि उनले बताए । यद्यपि, युवाहरु बीच सम्पत्ति असमानता झनै फराकिलो भएको उनको भनाइ छ ।
