कोरोना अपडेट: ११ सय संक्रमित, १३ सय निको
काठमाडौं,असोज १२ । नेपालमा पछिल्लो २४ घण्टामा कोरोना भाइरसका १ हजार १ सय ५८ जना संक्रमित थपिएका छन् । योसंगै कुल संक्रमितको संख्या ७ लाख ९३ हजार २ सय ७१ पुगेको स्वास्थ्य तथा जनसंख्या मन्त्रालयले जनाएको छ ।
यसैगरी, आज १ हजार ३ सय १८ जना संक्रमणमुक्त भएका छन् । हालसम्म ७ लाख ६३ हजार ७ सय ३४ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा १४ हजार ३ जनाको परीक्षणमा ९ सय ४ जना पिसीआर विधिबाट र एन्टिजेन विधिबाट २ सय ५४ जनामा संक्रमण पुष्टि भएको हो ।
कोरोना संक्रमणबाट थप १२ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार १ सय १५ पुगेको स्वास्थ्य मन्त्रालयले जनाएको हो ।
