कोरोना अपडेट: १२ हजार परीक्षणमा ३८५ संक्रमित फेला, २५८ जना निको
काठमाडौं,मंसिर ६ । नेपालमा बितेको २४ घण्टामा कोरोना भाइरसका ३ सय ८५ जना संक्रमित थपिएका छन् । यससंगै कुल संक्रमितको संख्या ८ लाख १९ हजार ३ सय ८६ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै, आज २ सय ५८ जना संक्रमणमुक्त भएका छन् । हालसम्म ८ लाख ६ सय १७ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा पिसीआर विधिबाट ३ सय ८७ र एन्टिजेन विधिबाट १८ जनामा संक्रमण पुष्टि भएको हो ।
कोरोना संक्रमणबाट आज थप ४ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ११ हजार ५ सय पुगेको स्वास्थ्य मन्त्रालयले जनाएको छ ।
