थप २ सय ९० संक्रमित, मृत्यु ३
काठमाडौं, पुस ६ । नेपालमा पछिल्लो २४ घण्टामा कोरोना भाइरसका २ सय ९० जना संक्रमित थपिएका छन् । यससंगै कुल संक्रमितको संख्या ८ लाख २६ हजार २०६ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै,आज २ सय ३२ जना संक्रमणमुक्त भएका छन् । हालसम्म आठ लाख ९ हजार ३ सय ८७ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा १७ हजार ८९ जनामा परिक्षण गर्दा उक्त संक्रमण पुष्टि भएको हो ।
कोरोना संक्रमणबाट आज थप तीन जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ११ हजार ५ सय ७७ पुगेको स्वास्थ्य मन्त्रालयले जनाएको छ ।
