सातै प्रदेशले आज बजेट सार्वजनिक गर्दै
काठमाडौं, असार १ । देशका सातवटै प्रदेश सरकारले आज आर्थिक वर्ष ०७९/८० को बजेट सार्वजनिक गर्दैछन् ।
नीति तथा कार्यक्रम ल्याइसकेका सातै प्रदेशले संविधानतः संघ सरकारले १५ जेठमा बजेट घोषणा गरेपछि प्रदेश सरकारले १ असारमा बजेट सार्वजनिक गर्ने नियम छ ।
प्रदेश सरकारले आ(आफ्नो प्रदेश अनुरुप प्राथमिकता निर्धारण गरेर बजेट ल्याउन लागेका हुन्। सातवटै प्रदेशले २ खर्ब ६१ अर्ब रुपैयाँ बराबरको बजेट ल्याउन लागेको श्रोतले बताएको छ ।
खासगरी कृषि, पर्यटन, सडक, खानेपानी र रोजगारी सिर्जना सबैजसोको प्राथमिकतामा छ । बजेटको सिलिङ अनुसार सातवटै प्रदेशले २ खर्ब ६१ अर्ब रुपैयाँ बराबरको बजेट ल्याउन लागेका हुन् ।
