ट्रयाक्टरबाट खसेर किशोरको मृत्यु
दाङ,साउन १९ । दाङमा ट्रयाक्टरबाट खसेर एक जना किशोरको मृत्यु भएको छ ।
बिहीबार विहान लमही नगरपालिका–६ देउपुरमा ट्रयाक्टरबाट खसेर ती किशोरको मृत्यु भएको हो । मृत्यु हुनेमा स्थानीय १५ वर्षीय सुशान चौधरी रहेका छन् ।
ट्रयाक्टरबाट खसेर गम्भीर घाइते भएका उनको उपचारका लागि अस्पताल लैजादै गर्दा बाटोमै मृत्यु भएको प्रहरीले जनाएको छ । लु ४ त ८१०६ नम्बरको ट्रयाक्टरमा सवार उनी आज बिहान ६ बजे ट्रयाक्टरबाट खसेका हुन् । ट्रयाक्टरसहित चालकलाई वडा प्रहरी कार्यालय लमहीले नियन्त्रणमा लिएको छ ।