राजनीतिमा उदाउँदै “अनुराग”
दाङ,भदौ ११ । पछिल्लो समय नेपाली राजनीतिमा एउटा नाम तरंगित भएको छ, त्यो नाम हो ‘अनुराग खड्का’ । युवा पिंढीमा लोकप्रिय बनेका अनुराग नेपाली कांग्रेसका केंद्रीय महाधिवेशन प्रतिनिधि हुन । यस अघि उनि नेपाल तरुण विभागको केंद्रीय सदस्य रहेर समेत काम गरि सकेका छन ।राजनीतिमा कुनै बेला एकक्षत्र प्रभाव जमाएका अनुरागका बाबु स्वर्गीय नेता खुमबहादुर खड्काको निधन पछि उनि नेपाल फर्किएका थिए । कांग्रेसमा शक्तिशाली राजनीतिक गरेका स्वर्गीय खुमबहादुर पछि दाङ कांग्रेसले एउटा गतिलो नेतृत्व खोजिरहेको बेला अनुरागले राजनीतिमा ‘डेब्यु’ गरेका छन । उनको यो डेब्यु संगै क्षेत्र नम्बर १ मा अन्य राजनीति गरिरहेका नेताहरुको लागि चुनौती हुन सक्छ ।
आगामी मङ्सिर ४ गते हुँन लागेको प्रदेश र संघीय निर्वाचनको टिकट प्राप्त गर्न सके भने यो नै अनुरागको भविष्य निर्माण गर्ने पहिलो अग्नि परिक्षा हुने छ । तर उनि कत्ति पनि बिचलित नहुने भन्दै सबैबाट सहयोग हुने कुरामा आफु बिश्वस्त भएको बताएका छन ।
उनि नेपाली कांग्रेसका प्रभावशाली नेता स्वर्गीय खुमबहादुर खड्काका छोरा भएर पनि होला उनि प्रति खड्काका समर्थक र शुभ चिन्तकले अनुराग प्रति सहानुभूति देखाउदैं एक पटक सांसद भएको हेर्न चाहेका छन । स्थानीय तहको निर्वाचन सकिएको चार महिना पुग्नै लाग्दा फेरी सरकारले यहि मङ्सिर ४ गते प्रदेश र संघीय निर्वाचन गराउने घोषणा गरि सकेको छ । गठबन्धनले गर्दा संघीय सांसदको टिकट नपाइए प्रदेशको टिकट लिने कसरतमा छन ।
दाङ क्षेत्र नम्बर १ मा चार वटा स्थानीय पालिका छन । ति पालिकाहरुमा कसलाई टिकट दिने भन्ने बिषयमा पार्टी भित्र निकै रस्साकस्सी भएको थियो । उसो त दाङको क्षेत्र नम्बर १ लाई निकै महत्वपुर्ण क्षेत्रका रुपमा हेर्ने गरिन्छ, किनभने यो क्षेत्र स्वर्गीय खुमबहादुर खड्काको निर्वाचन क्षेत्र हो, उनि जीवित रहंदा सम्म यो क्षेत्रमा कुनै पार्टीले निर्वाचन जित्न त्यति सहज थिएन ।
भर्खरै सम्पन्न भएको स्थानीय तहको निर्वाचनमा दाङ क्षेत्र नम्बर १ का दुई पालिका ( लमही नगरपालिका र राजपुर गाउँपालिका ) मा खुमबहादुर पत्नी शिला खड्का र अनुराग खड्काकै रोजाईका उम्मेदवारलाई नेपाली कांग्रेस प्रदेश समितिले टिकट दिएको थियो । शिला र अनुरागले रोजेर टिकट दिलाएका कांग्रेसका उम्मेदवारले आफ्ना प्रतिद्वन्दी उम्मेदवारलाई दोब्बर बढी मतले पराजित गरेका थिए । यसैविच राजनीतिमा डेब्यु गरेका अनुरागले नजर अन्दाज गरेर टिकट प्रदान गराएर पार्टी भित्र गतिलो शुरुवात गरेका छन ।
बाबुको निधन पछि बाबुकै लय पछ्याउदै छन यतिबेला अनुराग । उनि भन्छन, ‘मेरो बुवाले जनताको सेवा गर्दा गर्दै अपुरो छोडेर जानु भएको छ त्यो काम पुरा गर्न राजनीतिमा आएको हुँ’-। त्यसैगरी नेपाली राजनीतिमा अब युवा पुस्तालाई नेतृत्व हस्तान्तरण गर्न आवश्यक रहेको उनले बताए । युवा पुस्ता प्रति सबैको ‘क्रेज’ बढेर गएको अनुरागले बताए ।
सबै नेताहरुको आशिर्वाद, माया र बुवाको राजनीतिक प्रभावले गर्दा राजनीतिमा आउने प्रेरणा मिलेको अनुरागको भनाई छ । जिल्ला तह, प्रदेश र केंद्रीय नेताहरु प्रति सदैव आफ्नो सम्मान रहने र बाबुले देखाएको बाटो नबिराउने समेत अनुरागले बचन दिएका छन ।
