नेकपा एमालेको बिजयी अभियान रोक्ने सामर्थ्य कसैमा छैन :आचार्य

काठमाडौं,असोज १४ । नेकपा एमालेका केन्द्रीय सदस्य चेतनारायण आचार्यले नेकपा एमालेको विजयी अभियानलाई कसैले रोक्न नसक्ने बताउनुभएको छ । नेकपा एमाले जिल्ला प्रचार विभाग र प्रेस चौतारी नेपालको आयोजनामा सदरमुकाम सन्धिखर्कमा आयोजित जिल्ला स्तरीय प्रचार भेला तथा शुभकामना आदानप्रदान कार्यक्रममा मन्तव्य राख्दै उहाँले बिकास ,समृद्धि ,सुशासन र सामाजिक न्यायको निम्ति नेकपा एमालेको बिकल्प नभएको बताउनुभयो । नेकपा एमाले प्रतिको जनआकर्षण बाट अन्य दलहरु अत्तालिएको भन्दै उहाँले नेकपा एमालेलाई हराउने सामर्थ्य कुनै दलमा नभएको बताउनुभयो ।

लुम्बिनी प्रदेश सरकारका पुर्व मन्त्री समेत रहनु भएका आचार्यले ५ बर्षको अबधिमा जिल्लामा थुप्रै बिकास निर्माणकाकाम गरेको भन्दै यस पटकको निर्वाचनमा पनि जनताले नेकपा एमालेलाई भारी बहुमतका साथ विजयी गराउने बताउनुभयो । संचार क्षेत्र प्रति जनताको पुर्ण बिश्वास र भरोसा रहेको भन्दै उहाँले सत्यको पक्षमा निर्धक्क सँग कलम चलाउन पत्रकारलाई आग्रह गर्नुभयो ।

नेकपा एमाले जिल्ला प्रचार बिभाग प्रमुख शोभाखर पन्थीको अध्यक्षता, प्रेस चौतारी नेपालका जिल्ला उपाध्यक्ष करिश्मा खनालको संचालन र सचिव माधव बेल्वासेको स्वागत मन्तव्यमा सम्पन्न कार्यक्रममा नेकपा एमालेका जिल्ला अध्यक्ष पीताम्बर भुसाल ,लुम्बिनी प्रदेश कमिटीका सदस्य प्रेमनारायण गैरे,बावुराम आचार्य ,नेकपा एमालेका जिल्ला कमिटी उपाध्यक्ष ईश्वरा पोख्रेल ,उपसचिव शम्भु प्रसाद पोख्रेल ,प्रेस चौतारी नेपाल केन्द्रीय निर्वाचन आयोगका अध्यक्ष गणेश खनाल ,नेकपा एमाले क्षेत्रीय समन्वय कमिटीका संयोजक रामचन्द्र पोख्रेल ,सन्धिखर्क नगरकमिटीका अध्यक्ष श्रीकृष्ण भुसाल ,जिल्ला कमिटीका सदस्य गोबिन्द के.सी, नारायण अर्याल ,बसन्ता पौडेल ,शुष्मा श्रेष्ठ ,प्रदिप नेपाली ,देवी थापा ,लक्ष्मण कँडेल ,कमला खनाल भण्डारी ,नगर कमिटीका सचिव कुसल भुसाल ,एमाले प्रचार विभागका लुम्बिनी प्रदेश कमिटीका सदस्य अर्जुन भुसाल ,नवीन के.सी. ,राष्ट्रिय युवासंघ नेपालका जिल्ला संयोजक शोभाकर पाण्डे ,एमाले सन्धिखर्क १ वडा कमिटीका अध्यक्ष नारायण खड्का ,महिला नेतृ राधा पराजुली ,पवित्रा सापकोटा लगायतका वक्ताहरूले मन्तव्य राख्नुभएको थियो ।
भेलाले आगामी मंसिर -४ गते हुने निर्वाचनलाई लक्षित गर्दै विभिन्न योजना निर्माण गरेको जनाईएको छ ।