धारामा चिप्लिएर एकको मृत्यु

गुल्मी,असोज १९ । गुल्मीमा धारामा चिप्लिएर लड्दा एक जनाको मृत्यु भएको छ ।

जिल्लाको मुसिकोट नगरपालिका –४, ग्वादिकाचौर बस्ने ४१ वर्षीय सुखबहादुर कुमालको धारामा चिप्लिएर मृत्यु भएको वामी प्रहरी चौकीले जनाएको छ ।

घरनजिकै छिमेकीको धारामा पानी पिउनेक्रममा चिप्लिएर लड्दा गम्भीर घाइते भएका कुमालको उद्धार गरी उपचारका लागि लैजाने तयारी हुँदैगर्दा घटनास्थलमै मृत्यु भएको प्रहरीको भनाइ छ ।