नुवाकोट थानापतिमा ५१ जनाले गरे रक्तदान

नुवाकोट,असोज १९ । जिल्लाको शिवपुरी गाउँपालिका वडा नम्बर ८ थानापतिमा आयोजित रक्तदान कार्यक्रममा ५१ जनाले रक्तदान गरेका छन् ।

शुक्रबार नेपाल रेडक्रस सोसाइटी जिल्ला शाखा नुवाकोटको अगुवाइमा शिवपुरी डोजोद्वारा आयोजित रक्तदानमा स्थानीय युवा को उल्लेखनीय सहभागिता रहेको थियोे ।

विभिन्न आकस्मिक दुर्घटनामा रगत उपलब्ध गराई मानव जगतको रक्षा हुनुपर्ने रक्तदान कार्यक्रममा सहभागीले बताएका थिए ।