राष्ट्रपतिसँग प्रधानमन्त्री तथा उपप्रधानमन्त्रीद्वयको भेटवार्ता

काठमाडौं,असोज २० । राष्ट्रपति रामचन्द्र पौडेलसँग प्रधानमन्त्री पुष्पकमल दाहाल ‘प्रचण्ड’ ले भेटवार्ता गरेका छन् । अमेरिकामा भएको संयुक्त राष्ट्रसङ्घको महासभा तथा छिमेकी मित्रराष्ट्र चीनको भ्रमण सकेर नेपाल फर्किएका प्रधानमन्त्री प्रचण्डले शनिवार साँझ शीतलनिवासमा भेट गरेका हुन् ।

भेटमा प्रधानमन्त्री प्रचण्डले आफनो दुबै भ्रमणबारे जानकारी गराउनुभएको राष्ट्रपतिका प्रेस सल्लाहकार किरण पोखरेलले बताए । उनका अनुसार सो भेटमा मुलुकका अहिलेका समसामयिक विषयमा पनि छलफल भएको थियो । 

यसअघि राष्ट्रपति पौडेलसँग उपप्रधान तथा रक्षामन्त्री पूर्णबहादुर खड्का र उपप्रधान तथा गृहमन्त्री नारायणकाजी श्रेष्ठले आज  भेटगरी समसामयिक   विषयमा छलफल गरेको पनि पोखरेलले बताए ।