अरिङ्गालले चिल्दा दुईको मृत्यु, एक घाइते

जाजरकोट,असोज २३ । जाजरकोटको कुशे गाउँपालिकामा अरिङ्गालको चिल्दा दुई बालिकाको मृत्यु भएको छ भने एक जना घाइते भएका छन् । 

जिल्लाको कुशे गाउँपालिका १ धाउनीका वीर बहादुर सिंहका दुई छोरीको अरिङ्गालले चिल्दा मृत्यु भएको छ भने उनकी आमा घाइते भएकी छिन् । 

मृत्यु हुनेमा नौ वर्षीया निर्जला सिंह र तीन वर्षीया सुस्मिता सिंह रहेको स्वास्थ्य चौकी टालेगाउँका इन्चार्ज शेर बहादुर बस्नेतले बताए । अरिङालले हजुरआमा बिजुली सिंह घाइते भएकी छिन् ।