नुवाकोट तार्केश्वरमा पालिका स्तरीय रंगशालाको शिलान्यास

नुवाकोट,असोज २५ । नुवाकोटको तारकेश्वर गाउँपालिकामा पालिकास्तरीय रंगशाला निर्माण हुने भएको छ ।

गाउँपालिकाका अध्यक्ष शिव अधिकारीले वडा नम्बर १ स्थित जव्वरेचौरमा निर्माण हुन लागेको रंगशालाको बिहिबार शिलान्यास गरेका हुन् । रंगशाला निर्माणको लागि पालिकाले २० लाख रुपैयाँ बजेट बिनियोजन गरेको छ । शिलान्यास भएको रंगशाला आगामी माघभित्र सक्ने लक्ष्य लिइएको छ ।

रंगशालाको उद्घाटन गर्दै गाउँपालिकाका अध्यक्ष शिव अधिकारीले पालिकाको खेलकुद क्षेत्रको विकासको लागि कोशेढुङ्गा सावित हुने बताए । पालिकाको खेल क्षेत्रको विकासको लागि म प्रतिवद्ध छु , खेल क्षेत्रलाई पालिकाले सधैँ प्राथमिकता राखेको उनले बताए ।