प्रथम बेलकोटगढी महोत्सव आजदेखि सुरु

नुवाकोट,कात्तिक १५ । प्रथम बेलकोटगढी महोत्सव आजदेखि सुरु भएको छ । महोत्सव बेलकोटगढी नगरपालिका वडा नम्बर ५ को आयोजनामा केउरीनीमा सुरु भएको हो ।

यही कात्तिक १५ गतेदेखि २५ गतेसम्म सञ्चालन हुने महोत्सवको उद्घघाटन बुधवार नेपाली काँग्रेसका केन्द्रीय सदस्य एवं नुवाकोट क्षेत्र नं. २ का प्रतिनिधि सभा सदस्य अर्जुननरसिंह केसीले उद्घाटन गरेका हुन् ।

महोत्सव स्थल केउरीनीको त्रिशुली नदी बगरमा स्टल तथा खेल र मनोरञ्जनका सामाग्री तयार गरिएको छ । महोत्सवमा स्टलहरू तयार भएका छन् । ति स्टलहरूलाई बेलकोटगढी नगरपालिकाको पहिचान र उत्पादन राखिने बताइएको छ।