मकवानपुरमा ट्रकको ठक्करबाट एक बालकको मृत्यु

काठमाडौं,मंसिर २७ । मकवानपुरको मनहरीमा ट्रकको ठक्करबाट एक जना बालकको मृत्यु भएको छ ।

बुधबार पूर्व पश्चिम राजमार्ग अन्तर्गत मनहरी गाउँपालिका ७ रमनटारमा चितवनबाट हेटौंडा आउँदै गरेको ना ५ ख ३७८३ नम्बरको खाली ट्रकले ठक्कर दिँदा स्थानीय अन्दाजी ६ वर्षीय उमेश प्रजाको निधन भएको प्रहरीले जानकारी दिएको छ । उमेश राष्ट्रिय आधारभुत विद्यालय रमनटारमा कक्षा १ मा पढ्ने विद्यार्थी थिए ।

ट्रकले ठक्कर दिँदा गम्भीर घाइते भएका उमेशको पुरानो मेडिकल कलेज भरतपुरमा उपचारको क्रममा मृत्यु भएको प्रहरीले जनाएको छ । ट्रक चालक प्रहरी नियन्त्रणमा रहेको प्रहरीले जनाएको छ ।