दालचीनीको रुखबाट लडेर एकको मृत्यु

पाल्पा,पुस १ । पाल्पाको तिनाउ गाउँपालिका –५ कोलडाँडाका ४६ बर्षीय शेरबहादुर गाहाको दालचिनी रुखबाट लडेर मृत्यु भएको छ । 

गाहाको चिनडेया गैराको जंगलमा दालचिनीको हाँगा काट्नेक्रममा शनिबार दिउँसो लडेर मृत्यु भएको प्रहरी नायब उपरीक्षक सुगन्ध श्रेष्ठले जानकारी दिए। 

श्रेष्ठका अनुसार मृतकको शब पाल्पा जिल्ला अस्पतालमा पोष्टमार्टमका लागि लगिएको छ । घटनाको थप अनुसन्धान भइरहेको उनले बताए ।