घाँटीमा चक्कु गडेको अवस्थामा चितवनमा मृत भेटिए युवक

चितवन,फागुन ८ । चितवनको खैरहनीमा घाँटीमा चक्कु गडेको अवस्थामा एक पुरूष मृत भेटिएका छन्।

मंगलबार बिहान ७ बजेतिर खैरहनी नगरपालिका-२ चैनपुरस्थित हर्बल कम्पनीको पर्खालनजिकै २४ वर्षीय कृष्णप्रसाद खनालको शव फेला परेको जिल्ला प्रहरी कार्यालयका प्रवक्ता डिएसपी श्रीराम भण्डारीले जानकारी दिए।

मृतकको घाँटीमा तरकारी काट्ने चक्कु गडेको उनले बताए।घटनास्थल मृतकको घरबाट अन्दाजी ५०० मिटर छ। घटनाको थप अनुसन्धान भैरहेको छ ।