नुवाकोटको शिवपुरीमा ड्राई फूल बनाउने तालिम सम्पन्न

नुवाकोट,असार ३ । जिल्लाको शिवपुरी गाउँपालिका र बाग्मती प्रदेश सरकार सामाजिक विकास मन्त्रालय महिला सशक्तीकरण कार्यक्रम अन्तर्गत शिवपुरी गाउँपालिका वडा नम्बर ६ मा ड्राइ फूल बनाउने तालिम सम्पन्न भएको छ।

गत जेठ २० गतेदेखि शुरु भएको ड्राई फूल निर्माण तालिम गाउँपालिकाका अध्यक्ष गोबिन्दप्रसाद थपलियाको प्रमुख आतिथ्य र शिवपुरी ६ का वडा अध्यक्ष बिष्णु श्रेष्ठ को अध्यक्षतामा सम्पन्न भएको हो।

तालिम मार्फत स्थानीय महिलालाई आत्मनिर्भर बनाउने लक्ष्य रहेको शिवपुरी गाउँपालिका वडा नम्बर ६ का वडा सदस्य कमल तामाङ नुवाकोटे टाइगरले बताए ।

गाउँपालिकाले यसअघि अर्गानिक साबुन निर्माण तालिम संचालन गरेको थियोे । त्यस्तै डाई फूल निर्माण तालिममा शिवपुरी गाउँपालिका वडा नम्बर ६;का २० जना महिलाको सहभागिता रहेको थियोे । ड्राइ फ्लावर लगायतका सजावट सामाग्री पछिल्लो समयमा बजारमा उल्लेख्य माग रहेको छ ।