नुवाकोट शिवपुरीमा विद्युत चुहावट हुँदा आगलागी, लाखौंको क्षति

नुवाकोट,माघ २१ । जिल्लाको शिवपुरी गाउँपालिका वडा नम्बर–६ स्थित बखती टोलमा सोमबार बिहान भएको आगलागीमा करिब रु पच्चीस लाख मूल्य बराबरको क्षति भएको छ ।
स्थानीयवासी सीताराम बखतीको घरमा विद्युत चुहावट भइ सल्केको आगो फैलिएर घर पूर्णरुपमा नष्ट भएको स्थानीयवासी लक्ष्मण लामाले बताए ।
आगलागीबाट घरमा भएका खाद्यान्न, लत्ताकपडा, फर्निचर, टेलिभिजन, कृषि औजारका सामग्री लगायत सम्पूर्ण सामान जलेर नष्ट भएको वडा नम्बर ६ का जनप्रतिनिधि कमल तामाङले बताए । स्थानीयवासी र प्रहरीको सहयोगमा झण्डै चार घण्टामा आगो नियन्त्रणमा लिइएको थियोे ।