दमकमा बस दुर्घटना : एक जनाको मृत्यु, २१ जना घाइते
झापा,कात्तिक १२ । दमक नगरपालिका–२ पाङ्गिनीचोक नजिक गएराति यात्रुवाहक बस दुर्घटना हुँदा एक जनाको मृत्यु भएको छ भने २१ जना घाइते भएका छन्। दुर्घटनाग्रस्त बस (बा२ख १९८३) दमकबाट मोरङको टाँडीतर्फ जाँदै थियो।
जिल्ला प्रहरी कार्यालय झापाका प्रहरी नायब उपरीक्षक (डीएसपी) खगेन्द्रबहादुर खड्काका अनुसार बसमा ३५ जना यात्रु सवार थिए। घाइतेमध्ये एक जनाको अवस्था गम्भीर रहेको बताइیده अन्य २० जनाको उपचारपछि घर फर्किसकेको जानकारी दिइयो।
दुर्घटनापछि बस चालक मोरङ मिक्लाजुङ–३ का ३९ वर्षीय भक्तबहादुर दर्जीलाई प्रहरीले नियन्त्रणमा लिएको छ। दुर्घटनाको थप कारणबारे अनुसन्धान भइरहेको प्रहरीले जनाएको छ।