एडिबीबाट २५ अर्ब ८ करोड ऋण, खानेपानी र रसद सुधारमा खर्च हुने
काठमाडौं,असार २३ । सरकारले एसियाली विकास बैंक (एडिबी)सँग २५ अर्ब ८ करोड रुपैयाँ ऋण लिने सम्झौता गरेको छ।
उक्त रकममध्ये १७ अर्ब ५० करोड रुपैयाँ एकीकृत खानेपानी तथा ढल व्यवस्थापन आयोजनामा तथा करिब ७ अर्ब ६० करोड रुपैयाँ दक्षिण एसिया उपक्षेत्रीय आर्थिक सहयोग र रसद सुधार उपकार्यक्रममा खर्च गरिनेछ।
सम्झौतापछि एडिबी अध्यक्ष मासातो कान्डाले नेपालको विकासमा निरन्तर सहयोग गर्ने प्रतिबद्धता जनाउँदै अर्थमन्त्री डा. स्वर्णिम वाग्लेले द्विपक्षीय साझेदारी अझ सुदृढ हुने विश्वास व्यक्त गर्नुभएको छ।