विश्वकपको उपाधि दौड अब चार टोलीमा सीमित
काठमाडौँ, असार ३० — विश्वकप फुटबल २०२६ को उपाधि होड अब चार पूर्वविजेता टोलीमा सीमित भएको छ। फ्रान्स, स्पेन, अर्जेन्टिना र इङ्ग्ल्यान्ड सेमिफाइनलमा पुगेका छन्। विश्वकप इतिहासमा पहिलो पटक फिफा वरीयताको शीर्ष चार टोली एकैपटक अन्तिम चारमा पुगेका हुन्।
पहिलो सेमिफाइनलमा फ्रान्स र स्पेन तथा दोस्रो सेमिफाइनलमा अर्जेन्टिना र इङ्ग्ल्यान्ड आमनेसामने हुनेछन्। फ्रान्सले प्रतियोगितामा सर्वाधिक १६ गोल गर्दै उत्कृष्ट लय देखाएको छ भने स्पेन बल नियन्त्रणमा आधारित खेलका कारण बलियो दाबेदार मानिएको छ।
अर्जेन्टिना उपाधि रक्षा अभियानमा रहेको छ। लियोनेल मेसी आठ गोलसहित गोल्डेन बुटको दौडमा अग्रस्थानमा छन् भने फ्रान्सका किलियन एम्बापे पनि समान आठ गोलका साथ प्रतिस्पर्धामा छन्। इङ्ग्ल्यान्डका हेरी केन र जुड बेलिङ्घमले समान छ–छ गोल गरेका छन्।
चार टोलीले संयुक्त रूपमा सात पटक विश्वकप उपाधि जितिसकेका छन्, जसले यसपटकको सेमिफाइनललाई थप रोमाञ्चक बनाएको छ।