क्रिस्टियानो रोनाल्डोले लिए अन्तर्राष्ट्रिय फुटबलबाट संन्यास
काठमाडौँ,कात्तिक १९। पोर्चुगलका चर्चित फुटबल खेलाडी क्रिस्टियानो रोनाल्डोले अन्तर्राष्ट्रिय फुटबलबाट संन्यास लिएको बिहीबार घोषणा गर्नुभएको छ।
४१ वर्षीय रोनाल्डोले पोर्चुगलको राष्ट्रिय टोलीबाट २३४ खेल खेल्दै १४६ गोल गर्नुभएको छ। उहाँले सामाजिक सञ्जाल इन्स्टाग्राममा भिडियो सन्देश सार्वजनिक गर्दै राष्ट्रिय टोलीको सात नम्बर जर्सीलाई बिदाइ गर्ने समय आएको बताउनुभएको हो।
“पोर्चुगाली जनतालाई, हाम्रो राष्ट्रिय टोलीको नम्बर सातको जर्सी फिर्ता गर्ने दिन आएको छ,” रोनाल्डोले भिडियो सन्देशमा भन्नुभएको छ।
उहाँले २३ वर्षसम्म उक्त जर्सी लगाएर खेल्ने अवसर पाउनु आफ्नो विशेषाधिकार र जिम्मेवारी भएको उल्लेख गर्नुभएको छ। जर्सी आफ्नो मात्र नभए पनि त्यसलाई विश्वभरका मैदानमा प्रतिनिधित्व गर्ने अवसर पाएको उहाँले बताउनुभएको छ।
गत महिना राष्ट्रिय प्रशिक्षक जर्ज जेसससँग मतभेद भएपछि रोनाल्डो टोलीको प्रशिक्षण शिविरबाट बाहिरिनुभएको थियो। जेससले नेसन्स लिगको एक खेलमा उहाँलाई मैदानमा उतार्न अस्वीकार गरेपछि दुवैबीच सम्बन्ध चिसिएको बताइएको छ।