उत्तरी रसुवागढी नाकाबाट सामान आयात



धुन्चे, असार २२ । रसुवागढी नाकाबाट सोमबारदेखि चिनियाँ सामग्री नेपाल भित्रिन थालेको छ ।

कोरोना भाइरस (कोभिड –१९) जोखिमका कारण गत माघ १५ गतेदेखि आवतजावत समेत बन्द रहेको रसुवागढी नाकाबाट पाँच महिनापछि सोमबार बिहान पहिलो पटक मालसामान आयात भएको सशस्त्र प्रहरी भन्सार सुरक्षा तथा राजश्व २१ नं गुल्म टिमुरेका प्रहरी नायब उपरीक्षक लक्ष्मण थापाले जानकारी दिए ।

कोरोना भाइरस सङ्क्रमणलाई ध्यानमा राखी चिनियाँ पक्षले रसुवागढीकोे मितेरी पुलसम्म सामग्री पु¥याई दिएको सीमाक्षेत्रका सरकारी अधिकारीले बताएका छन् ।

मध्याह्न १२ बजे अगावै दुई ट्रकमा जुत्ता, चप्पल, कपडालगायत मालवस्तु भन्सार हातामा पुगिसकेको र आउने क्रम जारी रहेको प्रनाउ थापाले बताए । कोरोना भाइरस नियन्त्रण गर्ने उद्देश्यले दुई देशका सीमा अधिकारीबीच गत हप्ता भएको सहमतिअनुरूप रसुवागढीस्थित मितेरी पुलमा चिनियाँ व्यवसायीले सामग्री ल्याएको बताइएको छ ।

प्रतिक्रिया दिनुहोस्