दुई गोलको अग्रता जोगाउन नसक्दा लिभरपुल मोनाकोसँग पराजित
एजेन्सी,साउन २५ । नयाँ प्रशिक्षक आन्दोनी इराओलाको नेतृत्वमा एनफिल्डमा पहिलो खेल खेलेको लिभरपुल मोनाकोसँग ३–२ ले पराजित भएको छ।
लिभरपुलले पहिलो हाफमा एलेक्जान्डर इसाक र फ्लोरियन विर्ट्जको गोलबाट २–० को अग्रता बनाएको थियो। तर मोनाकोले दोस्रो हाफमा उत्कृष्ट पुनरागमन गर्दै खेल आफ्नो पक्षमा पार्यो।
मोनाकोका लागि अलेक्जान्डर गोलोभिनले पहिलो हाफमै पेनाल्टीमार्फत गोल गर्दै अन्तर घटाएका थिए। त्यसपछि मिका बिरेथले ५६औँ मिनेटमा बराबरी गोल गरे भने खेल सकिन दुई मिनेट बाँकी रहँदा पेरिस ब्रुनरले हेडमार्फत निर्णायक गोल गरे।
दुई गोलको अग्रता गुमाएर पराजित भएपछि लिभरपुलको रक्षापंक्तिको कमजोरी प्रमुख चिन्ताका रूपमा देखिएको छ। खेलमा लिभरपुलले १५ प्रहार गरे पनि ६ वटा मात्र लक्ष्यमा थिए।