फुकुओका तीज फेस्टिबल कन्टेस्टमा विजेता घोषणा, सुजाता प्रथम, इशया द्वितीय
जापान भदौ ८। फुकुओका नेपाल सोसाइटीले हिन्दु नारीहरुको महान् चाड तीजको अवसरमा आयोजना गरेको ‘तीज फेस्टिबल कन्टेस्ट २०२०’ को विजेता घोषणा गरिएको छ । आइतबार एक कार्यक्रमबीच घोषणा गरिएको परिणाम अनुसार फुकुओकाकी सुजाता थापा प्रथम, नेपालकी इशया खड्का द्वितीय र फुकुओकाकै युनिषा आचार्यले सान्त्वना स्थान हासिल गरेकी छन् ।
लाइक कमेन्टअनुसार प्रथम भएकी थापाले २५ हजार ५५० जापनिज एन र प्रमाणपत्र, सहित द्वितीय भएकी खड्काले १५ हजार ५५० एन प्रमाणपत्र र सान्त्वनाबनेकी आचार्यले आकर्षक गिफ्ट र प्रमाणपत्र प्राप्त गरेका छन् ।
आयोजक फुकुओका नेपाल सोसाइटीका अध्यक्ष शर्माले प्रतियोगितमा ११२ जनाले सहभागिता जनाएको जानकारी गराए । त्यस्तै सचिव सन्जीव रेग्मीले संस्थाले निष्पक्ष ढंगले पूर्व जारी नियमअनुसार र लाइक, सेयर र कमेन्टको आधारमा विजेताको स्थान तय गरिएको स्पष्ट पारे ।
सोसाइटीले अगस्ट ११ देखि २१ सम्म फोटो प्रदर्शन गरी अगस्ट २१ राति १२ बजेसम्मको फोटोको लाइक र फुकुओका नेपाल सोसाइटीको फेसबुक पेजलाई सेयर, लाइक र कमेन्ट गर्नुपर्ने जस्ता नियम तोकेको थियो ।
फुकुओका नेपाल सोसाइटीले प्रत्येक वर्ष मनाउँदै आइरहेको हरतालिका तीजको कार्यक्रम यस वर्ष भने कोभिड १९ को कारणले फोटो प्रतियोगिता गरेको हो । सोसाइटीका अध्यक्ष शर्मा र सचिव रेग्मीले प्रतियोगितामा सहभागी भएका सबैप्रति संस्थाको तर्फबाट हार्दिक धन्यवाद व्यक्त गरेका थिए ।
यस्तै आयोजक संस्थाका अध्यक्ष शर्मा र सचिव रेग्मीले फोटो प्रतियोगितामा प्रायोजन गर्ने संस्था तथा व्यक्तिहरुलाई सबैलाई धन्यवाद ज्ञापन गरेका थिए ।
यी हुन् प्रतियोगितामा स्पोन्सरहरु
तीज फोटो कन्टेस्ट २०२० को विजेता घोषणा कार्यक्रमको भिडियो
